DC-MBULU AHITIMISHA ZIARA YA KIKAZI KATIKA KATA 35 ZA WILAYA YA MBULU.

Kurushwa hewani: July 14th, 2023

Mkuu wa wilaya ya Mbulu Komred Kheri James, mapema leo amehitimisha rasmi ziara yake ya kikazi katika Kata 35 za wilaya ya Mbulu, iliokuwa na lengo la kukagua miradi ya maendeleo, kuhamasisha shughuli za maendeleo, na kusikiliza kero za Wananchi.                  

Katika ziara hiyo Komred Kheri James alitembelea Kata 18 za Halmashauri ya wilaya ya Mbulu na leo amehitimisha kwa kutembelea Kata 17 za Halmashauri ya Mji wa Mbulu.                                      

Akizungumza katika mikutano na Wananchi katika kata ya Kainam, Nahasey, Murray na Nambisi, Komred Kheri James amewataka Maafisa Tarafa na watendaji wa Kata na Vijiji kutenga muda na kuweka ratiba ya kusikiliza na kutembelea Wananchi ili kuondoa Mrundikano wa Kero katika maeneo yao, Aidha Komred Kheri James amewaomba Wananchi kuendelea kutoa ushirikiano kwa Serikali yao ili kuongeza kasi ya maendeleo.              

Kukamilika kwa ziara hii ya Kata kwa kata kati Halmashauri zote za wilaya ya Mbulu ni maandalizi ya kuanza ziara katika Mitaa na Vijiji Vyote, lengo likiwa ni kuendelea kuwahudumia na kuwatumikia wananchi kwa ukaribu zaidi. 

 #Kwapamoja, Tunaijenga Mbulu yetu.