RC MANYARA AWAPELEKEA KITOWEO WAHADZABE KUHAMASISHA WAJIANDIKISHE KWENYE DAFTARI LA WAPIGA KURA.

Kurushwa hewani: October 19th, 2024

Na, Ruth Kyelula, Mbulu DC.

Mkoa wa Mkoa wa Manyara, Queen Sendiga, amewatembelea jamii ya Wahadzabe waishio Yaeda chini, wilayani Mbulu na kuwasisitiza walio bado kujiandikisha wajiandikishe ili wapate haki yao ya kikatiba.

Aliyasema hayo alipoenda kuwagawia kitoweo na kuwahamasisha kujiandikisha kwenye daftari la wapiga kura la serikali za mitaa, katika kijiji cha Mongowamono Kata ya Yaeda chini, October 19,2024.

“Nimekuja kuwasalimia na kuwakumbusha kwamba, mnatakiwa kujiandikisha kwenye daftari la wakazi, tunajiandikisha ili tuweze kuchagua viongozi wa kutuongoza katika vijiji na vitongoji vyetu, ili wasaidie kusukuma maendeleo ya vijiji vyetu.” Alisema Sendiga.

Naye Mkuu wa Wilaya ya Mbulu,Veronica Kessy ametoa wito kwa jamii ya Wahadzabe waishio Domanga kata ya Eshkesh, watunze mazingira na waache tabia ya kukata miti hovyo ili waendelee kunufaika na hela ya Ukaa.

Mbali na hilo amewaomba wakajiandikishe ili waweze kuwachagua viongozi wanaowataka wawaongoze.Na kwa wale ambao bado aliwaomba wajiandikishe pale pale kwenye mkutano wake, na alipomaliza kuzunguumza na wananchi hao wa Eshkesh aliwagaia kitoweo kwa niaba ya Mkuu wa Mkoa wa Manyara .