Silinde aridhishwa na usimamizi wa miradi-mbuludc

Kurushwa hewani: January 11th, 2021

Afisa Elimu Sekondari Mwalimu Furaha Simbeye akisoma taarifa ya ujenzi wa madarasa katika shule ya sekodari Alexander- Dongobesh

Akifanya ziara hii leo ya ukaguzi wa Miradi ya maendeleo katika halmashauri ya Wilaya yaMbulu, Naibu Waziri Ofisi ya Rais TAMISEMI Mhe. David Silinde amesema anaridhishwa na usimamizi mzuri wa kazi za miradi ya  maendeleo inayosimamiwa vizuri na uongozi mzima wa halmashauri ya Wilaya ya Mbulu.

Mhe. Naibu Waziri akiongozana na Mkurugenzi Mtendaji wa Halmashauri ya Wilaya ya Mbulu(Mwenye sweta) katika ukaguzi wa madarasa ya Shule ya Sekondari Alexander

 Mhe. Naibu Waziri ameyasema hayo leo alipokuwa akikagua ujenzi wa Madarasa ya shule ya Sekondari Alexander pamoja na ujenzi wa Jengo la Utawala  katika Halmashauri ya Wilaya ya Mbulu ikiwa ni  ziara yake ya kikazi ya kukagua Miradi ya Maendeleo.

Aidha akiongea Mkurugenzi Mtendaji wa Halmashauri ya Wilaya ya Mbulu, ndugu Hudson Kamoga ametoa taarifa fupi juu ya ujenzi wa jengo la Utawala na kueleza hatua zilipo fikia na akifafanua nini sababu za kuchelewa kuhamia katika jengo hilo

.

Mkurugenzi Mtendaji akitoa taarifa fupi ya Ujenzi wa Jengo la Utawala

Pamoja na hayo ameiomba Serikali kutoa fedha zilizosalia kwa mkandarasi ili aweze kukamilisha jengo hilo na hatimaye kuhamia ili kurahisisha utendaji kazi kwa wakati.

Timu za Wataalam na Viongozi mbalimbali wa Chama na Serikali wakiwa katika ziara ya naibu Waziri hii leo

Mhe. Joseph Guro (M/kiti wa Halmashauri) akiongea neno mbele ya Naibu Waziri hii leo katika ziara yake

Mhe. Flatei Mbunge wa Jimbo la Mbulu Vijijini  akisisitiza jambo mbele ya Naibu Waziri hii leo katika ziara yake mapema hii leo