BALOZI WA NORWAY AWASILI WILAYANI MBULU.

Kurushwa hewani: February 21st, 2024

Mkuu wa wilaya ya Mbulu Komred Kheri James mapema leo amempokea Balozi wa Norway nchini Mheshimiwa Tone Tinned, ambae amawasili katika Hospitali ya Haydom kwa ziara ya kikazi.                                           

Katika ziara hiyo Mheshimiwa Balozi ametembelea vitengo na idara za Hospitali, amepata fursa ya kutembelea mradi mkubwa wa ujenzi jengo jipya linalojengwa ili kupanua wigo wa huduma na anatarajiwa kushiriki mijadala mbalimbali kuhusu afya pamoja na wadau wengine wa afya.                     

Mheshimiwa Balozi ameupongeza uongozi wa Hospitali, Dayosisi ya KKKT - Mbulu pamoja na Serikali kwa usimamizi makini wa mageuzi chanya na huduma bora katika Hospitali ya Haydom.                                    

Katika ziara hiyo Mheshimiwa Balozi ameambatana na Katibu Mkuu wa Norwegian Church Aid-NCA, Mkurugenzi wa NCA-Tanzania pamoja na watumishi wengine.               

Ziara hiyo pia imehudhuriwa na Kamati ya Usalama wilaya, Baba Askofu wa KKKT Dayosisi ya Mbulu, Bodi ya Hospitali ya Haydom, Menejimenti na viongozi waandamizi wa wilaya ya Mbulu pamoja na watumishi wa Hospitali.      

 #Kwapamoja, Tunaijenga Mbulu yetu.

MATUKIO MBALIMBALI YA PICHA