BREAKING NEWZ: Mgombe Udiwani Kata ya Hayderer Ajiuzulu

Kurushwa hewani: July 19th, 2018

Akizungumza leo tarehe 19 mbele ya vyombo vya habari Msimamizi wa Uchaguzi Jimbo la Mbulu ndugu Hudson.S.Kamoga amethibitisha kupokea barua ya kujiuzuru kugombea nafasi ya Udiwani kwa kata ya Hayderer kupitia tiketi ya Chama cha Demokrasia na maendeleo (CHADEMA) ndugu Daniel Mighay Homa hii leo.

Ndugu Daniel ambaye alitangazwa kugombea nafasi hiyo pia alikuwa Mwenyekiti wa chama hicho kwa kata ya Hayderer,aidha akitangaza sababu za kujiuzuru kwake amesema kuwa ameamua kujitoa kwa akili zake timamu na bila kushawishiwa na mtu yoyote na hayuko tayari kufanya kampeni kwani mpaka sasa hajajipanga kwa hilo na hata chama chake hakijajipanga kwani mpaka sasa hakuna hata ratiba ya kampeni iliyoandaliwa na kuona hakuna ushirikiano baina yake na chama.

Jimbo la Mbulu linashiriki uchaguzi tarehe 12 mwezi Agosti kwa kata mbili za Tumati na Hayderer kutokana na waliokuwa Madiwani wa kata hizo kujiuzuru na nafasi zao za Udiwai kupitia Chama Cha Demokrasia na Maendeleo na Kuhamia chama Cha Mapinduzi kutokana na kuunga juhudi za Serikali ya awamu ya tano za Mheshiwa Raisi John P.Magufuli.