DC-MBULU AHIMIZA UKAMILISHAJI WA MIRADI YA MAENDELEO ILIO SHINDWA KUKAMILIKA KWA MUDA MREFU.

Kurushwa hewani: June 13th, 2023

MARETADU/LABAY-MBULU

Maelekezo hayo yametolewa mapema leo,na Mkuu wa wilaya ya Mbulu Komred Kheri James katika ziara ya kikazi alioifanya katika Kata ya Maretadu na Labay katika Halmashauri ya Wilaya ya Mbulu.       

Katika ziara hiyo Komred Kheri James ameeleza kuwa, pamoja na miradi mingi mipya na mizuri ambayo Serikali inaendelea kutekeleza katika maeneo mbalimbali wilayani Mbulu, lakini jitihada za makusudi zinatakiwa kuchukuliwa na Halimashauri kukamilisha miradi yote ya zamani ambayo haijakamilika, na hasa ile ilio anzishwa kwa nguvu za wananchi, ili iweze kukamilika na kutoa huduma iliokusudiwa kwa wananchi.             

Komred Kheri James ameambatana na Viongozi na watumishi wa wilaya ya mbulu katika ziara ya kukagua miradi, kuhamasisha shughuli za maendeleo na kusikiliza pamoja na kutatua changamoto na kero za Wananchi.                                                 

Pamoja na mambo mengine Komred Kheri James amempongeza Mheshimiwa Mbunge wa jimbo la Mbulu vijijini pamoja na Madiwani wa Kata ya Maretadu na Labay kwa kazi kumbwa na nzuri ya kuhamasisha na kusimamia shughuli za maendeleo.       

Matukio mbalimbali  ya Picha

#Kwa pamoja,Tunaijenga Mbulu yetu.