Mh. Mkuu wa Wilaya ya Mbulu, Sezaria V. Makota (aliyevaa nguo ya kijani) Amekagua Mradi wa Ujenzi wa Ofisi ya Mkurugenzi Mtendaji, Halmashauri ya Wilaya ya Mbulu Leo Tarehe 01.11.2021

Kurushwa hewani: November 1st, 2021

Kutoka Kushoto ni Mh. Mkuu wa Wilaya ya Mbulu, Sezaria V. Makota Akizungumza na Mkurugenzi Mtendaji wa Halmashauri ya Wilaya ya Mbulu Bw. A.A.Kuuli Katika Eneo la Mradi Kata ya Dongobesh.

Kutoka Kushoto ni Mkuu wa Kitengo cha Sheria Bw. G. Mwambage, Afisa Ugavi Mwandamizi Bw. E. Matokeni, Mh. Mkuu wa Wilaya ya Mbulu, Sezaria V. Makota, Mkurugenzi Mtendaji wa Halmashauri ya Wilaya ya Mbulu Bw. A. A. Kuuli na Mwisho ni Mhandisi Juma wa Kampuni ya Mzinga Iliyopewa Kazi ya Ujenzi Huu.

~~~~~~~~~~~     HABARI KWA UFUPI       ~~~~~~~~~~~     

Mh. Mkuu wa Wilaya ya Mbulu, Sezaria V. Makota amekagua mradi wa ujenzi wa ofisi ya Mkurugenzi  Mtendaji kwa Halmashauri ya Wilaya ya Mbulu ambalo jengo hilo lipo makao makuu ya Halmashauri Kata ya Dongobesh Mbulu Vijijini. Ujenzi  huu ulianza mwaka 2019 na unatarajiwa kukamilika mwishoni mwa mwezi Novemba mwaka huu 2021. 

Mh. S. Makota yuko katika utaratibu wake wa kawaida wa kukagua na kushauri katika miradi mbalimbali ya maendeleo katika Halmashauri hii lakini kwa sasa watumishi wa Halmashauri ya Mbulu wapo Dongobesh  katika majengo ya Ofisi ya Kata  ya Dongobesh lakini mifumo bado iko Mbulu Mjini. 

Katika ukaguzi huo Mh. Mkuu wa Wilaya huyo amesisitiza sana kuongeza kasi ya ukamilishaji ili watumishi wa Halmashauri ya Wilaya ya Mbulu Vijijini nao wapate mazingira mazuri na yenye nafasi ya kutosha ya kufanyia kazi na mifumo yake hapa.

Katika ukaguzi huo Mh. Mkuu wa Wilaya aliongozana na Mkurugenzi Mtendaji wa Halmashauri ya Wilaya ya Mbulu Bw. A. A. Kuuli ambaye naye pia alikuwa na  Mwanasheria wa Halmashauri Bw. G. Mwambage, Afisa Ugavi Mwandamizi Bw. E. Matoke na Michael Mwalyambi Afisa Tehama.