MKATABA WA UJENZI WA BARABARA LABAY - HAYDOM WASAINIWA.

Kurushwa hewani: May 19th, 2023

Serikali imesaini Mkataba Ujenzi wa barabara ya Labay- Hydom  kwa kiwango cha lami yenye urefu wa Kilometa 25 , mradi huu mkubwa unagharimu zaidi ya blioni 40, ambapo utakapokamilika utarahisisha shughuli za usafiri na usafirishaji kuchochea ukuaji wa shughuli za kiuchumi kama vile usafirishaji wa mazao ya biashara na shughuli za kijamii kwa ujumla.

Mhandisi Godfrey Kasekenya 

Akizungumza katika hafla ya utiaji saini wa mkataba wa mradi huo, iliyofanyika leo mei 19 .2023 katika viwanja vya Haydom Wilaya ya Mbulu Mkoani Manyara mgeni rasmi katika hafla hiyo Naibu Waziri wa Ujenzi na Uchukuzi, Mhandisi Godfrey Kasekenya ameiagiza TANROADS kusimamia mradi huo kwa udhibiti mkubwa ili barabara iweze kutumika kwa muda uliopangwa 

Akitoa taarifa ya utekelezaji wa mradi huo, Mtendaji Mkuu wa TANROADS, Mhandisi Rogatus Mativila ametoa wito kwa mkandarasi kutekeleza mradi huo kwa weledi wa hali ya juu.

Aidha Mhandisi Kasekenya amesema Wilaya ya Mbulu inaenda kunufaika ujenzi  mkubwa wa barabara tatu za lami zinazounganisha Mikoa mingine ya jirani.

Mbunge wa jimbo la mbulu Flatey Masey Ameishukuru serikali kupitia mradi huu uliosainiwa na kusema kilio cha muda mrefu kuhusu changamoto ya barabara hiyo kimeisha na hivyo wananchi wao wamejipanga tayari kutumia fursa ya ujenzi wa barabara hiyo 

Mbunge wa Mbulu Flatey Masey

KWA PAMOJA TUNAIJENGA MBULU YETU

WANANCHI WA HAYDOM