MKURUGENZI AFANYA KIKAO CHA TATHIMINI YA LISHE ROBO YA NNE MBULU DC.

Kurushwa hewani: July 17th, 2023

Dongobesh 17/07/2023

Mkurugenzi Mtendaji ndugu Abubakar Kuuli hii leo ameongoza kikao cha tahimini ya hali ya lishe kwa kipinidi cha aprili hadi  juni 2023 katika ukumbi wa  vikao vya halmashauri ya Wilaya ya Mbulu kilichoshirikisha Wataalam ngazi ya Wilaya na wataalam kutoka Idara ya Afya.

Akisoma taarifa ya hali ya lishe ndugu Martin Mwandiki( Mganga Mkuu wa Wilaya), amesema tuna jumla ya vituo 31 vya kutolea huduma za Afya,kati ya vituo hivyo , vituo vitatu(3) vya Dongobesh,Hyadom na St. Aloisi vinatoa huduma  ya matibabu ya utapia mlo mkali wodini kwa watoto waliolazwa na kueleza hatua zinazoendelea kuchukuliwa ili kutokomeza hali hii.

Aidha ameeleza  shughuli mbalimbali zimeendelea kufanywa ikiwa ni pamoja na otuaji wa matone ya Vitamini A watoto chini ya miaka mitano,uchunguzi wa hali ya lishe, utoaji wa madini chuma kwa akina mama wajawzito, elimu ya lishe  na utoaji wa mafunzo kwa wahudumu wa afya ngazi ya jamii.

Akiongea kwa upande wa lishe Bi. Jackline ambaye ni Afisa lishe wa Wilaya,  amesema tumefanikiwa kutoa  lishe kwa asilimia mia, aidha tunaendelea kutoa  elimu ya lishe na mapishi darasa kwa ngazi ya vijiji,na kuendelea kutoa elimu juu ya uandaaji wa lishe bora kwa watoto.

“Niwatake wataalam wa Afya kuhakikisha hatulali na tunazunguka katika vijiji vyote, mashuleni na vituo vya kutolea huduma mkishirikiana na Watendaji katika kupambana na kuendelea kutoa elimu juu ya umuhimu wa lishe bora na namna ya uandaaji wa chakula bora cha lishe kwa watoto wote walio chini ya miaka mitano”. Alisema hayo Mkurugenzi  alipokuwa akihitimisha kikao hicho.

"KWA PAMOJA TUNAIJENGA MBULU YETU"