Mkuu wa Mkoa wa Manyara Mhe. Charles M. Nyerere Akabidhi Kitoweo cha Wanyama Pori Kwa Makundi Maalumu Ili kufanikisha Zoezi la Sensa Mbulu

Kurushwa hewani: August 22nd, 2022

Aliyevaa Suluari ya bluu na miwani ni Mkuu wa Mkoa wa Manyara Mhe. Charles M. Nyerere, kushoto ni Mkuu wa Wilaya ya Mbulu Mhe. Sezaria V. Makota, Kulia ni Mbunge Jimbo la Mbulu Vijijini Mhe. Flatei Massay, Katibu Tawala Mkoa wa Manyara Ndg. C. Mthapula na mwisho ni Mkurugenzi Mtendaji wa Halmashauri ya Wilaya ya Mbulu Ndg. Abubakar A. Kuuli.

PAKUA BANGO HAPO CHINI

MBULU DC NYUMBU SENSA 1.jpg

MBULU DC NYUMBU SENSA 2.jpg

MBULU DC NYUMBU SENSA 3.jpg

Leo tarehe 22.08.2022 Mhe.Nyerere ametimiza ombi la makundi maalumu haya ya wadatoga, wahadzabe, wamang'ati na wengine wachache wanaoishi Vitongoji vya Domanga, Endanyawish na Mongo wa Mono Wilayani Mbulu Mkoani Manyara. Mkuu wa Mkoa huyo amesema tunamshukuru sana Rais wa Jamhuri ya Muungano wa Tanzania, Mhe. Samia Suluhu H. kwa kuridhia ombi hili alolipeleka na kupewa kibali kupitia Waziri mwenye dhamana wa Mali asili na Utalii kutoa kibali cha kuwinda wanyama hawa jamii ya nyumbu 20 hadi kuwafikisha hapa ili watanzania wenzetu waweze kuhesabiwa vizuri kabisa badala ya kwenda kuhangaikia kutafuta chakula ili hali kusingekuwepo na taarifa yoyote katika makundi haya juu ya sensa.

Hata hivyo jamii hii walifurahi sana na kujaa pomoni katika mapokezi haya ya kumlaki Mheshimiwa Nyerere yaliyoshajiishwa na burudani kali za ngoma za kiasili. Viongozi waliohudhuria katika zoezi hili wakiongozana na Mhe. Mkuu wa Mkoa huyo ni Kamati ya Ulinzi na Usalama ya Mkoa, Kamati ya Ulinzi na Usalama ya Wilaya ya Mbulu, Ofisi ya Mkurugenzi Mtendaji wa Halmashauri ya Wilaya ya Mbulu ambaye naye aliongozana na wakuu wa Idara kadhaa ikiwa ni jumuisho la kamati ya sensa ya wilaya ya mbulu.