RC APONGEZA HALMASHAURI YA WILAYA YA MBULU KWA KUENDELEA KUPATA HATI SAFI.

Kurushwa hewani: June 19th, 2023

Mkuu wa Mkoa wa Manyara Mheshimiwa Komredi Queen Sendiga, amefanya ziara maalumu katika Halmashauri ya  Wilaya ya Mbulu na kuzungumza na Waheshimiwa Madiwani pamoja na Wataalam  katika  kikao cha Babaraza maalumu ya kujadili hoja za Mkaguzi Mkuu wa Hesabu za Serikali za mwaka2022                              

Akizungumza katika kikao hicho Mhe. Sendiga  ameipongeza Halmashauri  kwa kuendelea kupata hati safi kwa mara tatu mfululizo na kama kungekuwa na tuzo ya ushindi toka Serikalini basi wanastahili kuipata, aidha  amewapongeza kwa kazi kubwa na nzuri ya kukusanya Mapato, kusimamia miradi na kusimamia huduma kwa wananchi.

Komredi Queen ameitaka Halmashauri kuweka mkakati maalumu wa kujibu na hatimae kumaliza hoja zote zilizo ibuliwa katika Taarifa ya Mkaguzi Mkuu wa Hesabu za Serikali.   

Pamoja na mambo mengine Mheshimiwa Mkuu wa Mkoa amesisitiza umuhimu wa kuongeza nguvu ya mapambano dhidi ya Ukatili wa kijinsia katika jamii, kwa kuwataka Viongozi na Wananchi kuwabaini na kuwafikisha katika vyombo vya sheria wahusika wote wanaohusika na vitendo hivyo viovu katika jamii.       

 #Kwapamoja,Tunaijenga Mbulu yetu.