WASIMAMIZI WASAIDIZI 94 WA NGAZI YA KATA NA VIJIJI WAPEWA MAFUNZO KUELEKEA UCHAGUZI SERIKALI ZA MITAA.

Kurushwa hewani: October 4th, 2024

Na, Ruth Kyelula, Mbulu DC.

Wasimamizi wasaidizi wa uchaguzi wa serikali za mitaa ngazi ya Kata na Vijiji wapatao 94 wa Halmashauri ya wilaya ya Mbulu waliapishwa September 30,2024.

Uapisho huo umeongozwa na Hakimu Mkazi, Mgusi Clifford Masinde, katika ukumbi wa mikutano wa Halmashauri ya Wilaya ya Mbulu.

Hakimu Mkazi, Mgusi Clifford Masinde

Pamoja na zoezi la kuapishwa, wasimamizi wasaidizi hao wamepewa mafunzo kuhusu namna watakavyotekeleza majukumu yao kabla, wakati na baada ya zoezi la uchaguzi wa serikali za mitaa. 

Hakimu Masinde alisema kuwa bila kiapo Wasimamizi wasaidizi hawawezi kwenda kusimamia uchaguzi, badala yake wazingatie maelekezo na kiapo cha utii na uadilifu walichopata katika kutekeleza zoezi zima la uchaguzi wa serikali za mitaa.

Baadhi ya Wasimamizi wasaidizi wakifuatilia mafunzo

Kwa upande wa Msimamizi wa Uchaguuzi Halmashauri ya Wilaya ya Mbulu, Abubakar Kuuli, wakati akifunga mafunzo hayo alisema, hatosita kumchukulia hatua msimamizi msaidizi ngazi ya kata na kijiji yeyote atakaeshindwa kutekeleza wajibu wake vizuri, hivyo kila mmoja akafanye kazi hiyo kwa kuzingatia kanuni na taratibu zilizowekwa.