Kilele Cha kuhitimisha Mwenge wa Uhuru kufanyika mkoani Manyara

Kurushwa hewani: July 5th, 2023

Mkuu wa Mkoa wa Manyara Queen Sendega ametoa wito kwa wakazi wa wilaya ya Mbulu mkoani Manyara wajitokeze kwa wingi katika maadhimisho ya kilele Cha maadhimisho ya mwenge ambayo kitaifa yatafanyika Mkoa wa Manyara mwezi wa kumi.

Hayo yalisemwa na Mkuu wa mkoa wa Manyara alipokua akikagua miradi ya Maendeleo katika shule ya Geterer,Haenda na Hydom Wilayani Mbulu July 05 , 2023.

Aidha Mkuu wa mkoa ameomba ushirikiano toka kwa wananchi wa wilaya ya Mbulu katika kutekeleza miradi ya Maendeleo.

" Ni jambo kubwa sana, ukiliangalia kwa juu juu unaweza usilielewe, lakini kilele Cha mbio za mwenge kimkoa ni jambo kubwa mno na mbio hizi za mwenge zitafungua fursa nyingi za kiuchumi, Maendeleo na hata za kimashirikiano".

Kwa upande wake Mkuu wa Wilaya ya Mbulu Herry James amesema kuwa shughuli za Maendeleo zinakwenda vizuri, usimamizi wa miradi ya Maendeleo ni safi na ukusanyaji wa mapato umekwenda vizuri na kwa mwaka wa fedha wamepata asilimia mia na zaidi.

Mhe. Mkuu wa wilaya aliendelea kusema kuwa kero za wananchi  zinasikilizwa na kutatuliwa na katika miradi ya Maendeleo pia  wameendelea kusimamia thamani fedha.

Naye Mkurugenzi wa Halmashauri ya wilaya ya Mbulu Ndugu Abubakari Kuuli aliishukuru Serikali kwa kuendelea kutoa fedha za miradi iliyopo na kuahidi kuisimamia miradi hiyo kama inavyotakiwa.