Wajumbe wa Halmshauri za Vijiji kwa kata ya Haydom na Hayderer Wilayani Mbulu Waapishwa

Kurushwa hewani: January 9th, 2019

Zoezi la kuwaapisha Wajumbe wa Halmshauri za Vijiji 129 wa Chama cha Mapinduzi waliopita bila kupigwa kwa kata ya Haydom na Hayderer limekamilika rasmi jana tarehe 08/01/2019 kwa kuapishwa mbele ya Hakimu Mkazi wa Mahakama ya Mwanzo Dongebesh, Mheshimiwa Julieth Mbise.

Wajumbe wa viti maalum kata ya Haydom Bi. Clara Kimaro,Elimina Awet, Joselina Mushi na Elirose Yohana wakila kiapo mbele ya Hakimu Mkazi wa Mahakama ya Mwanzo Dongobesh Mhe.Julieth Mbise na Afisa Uchaguzi halmashauri ya Wilaya ya Mbulu ndugu Michael Faraay mwenye miwani akishuhudia zoezi zima la kuapishwa,

Halmashauri ya Wilaya ya Mbulu hadi kufikia disemba 2018 ilikuwa na nafasi 129 zilizoachwa wazi kutokana na sababu mbalimbali kama vile kujiuzulu kwa baadhi ya Wajumbe, kufukuzwa uanachama,na baadhi kuhama vijiji, katika nafasi hizo zizlizo wazi ni 23 Wenyeviti wa Kijiji, 42 Wenyeviji wa Vitongoji, 50 Wajumbe wa halmashauri za vijiji na 25 Wajumbe wa Viti Maalum.

 Mwenyekiti wa Kijiji cha Haydom ndugu,Elihuruma Manase Boay akiapa mbele ya Hakimu Mkazi wa Mahakama ya Mwanzo Dongobesh Mhe.Julieth Mbise.

Mchakato mzima wa uchaguzi mdogo ulifanyika kwa awamu mbili mwezi novemban na disemba 2018 ukihusisha jumla ya vijiji 23. Wagombea 129 wa chama cha Mapinduzi na 4 wa chama cha Maendeleo na Demokrasi walishiriki uchaguzi huo kwa ulianza rasmi kwa kuchukua fomu za kugombea .

Wajumbe wa vijiji vya Hayderer, Semonyandi,na Singu wakipewa maelekezo kutoka kwa Hakimu Mkazi wa Mahakama ya Mwanzo Dongobesh Mhe.Julieth Mbise kabla kula kiapo.

Uchaguzi mdogo ulifanyika rasmi mnamo tarehe 30/12/2018 kwa haydom na hayderer zenye jumla ya vijiji 23. Wajumbe 129 waliotoka kwenye vijijji hivyo wa chama cha Mapinduzi waliibuka kidedea kwa kupita bila kupingwa uku wapinzani wao wakikosa kura.

Wajumbe wa vijiji cha Hyaderer ndugu,Zebedayo T. Bagala,ndugu Joseph Penataleo wa kijiji cha Simha, ndugu Emanuel Shauri wa kijiji cha Semonyandi wakila kiapo cha utii mbele ya Hakimu Mkazi wa Mahakama ya Mwanzo Dongobesh Mhe.Julieth Mbise.

Msimamizi wa Uchaguzi Halmashauri ya Wailaya ya Mbulu ndugu Hudson S. Kamoga anawatakia Uongozi mwema Viongozi wote mlioshinda na kuwaomba kuwatumikia wananchi wote kwa uaminifu kwaajili ya maendeleo yao.